Da Mane is - wia jeda woaß -
aufs Schnapseln oiwei glei ganz hoaß.

Wia mia jetzt gsuacht ham für eam a Gschenk,
ham mia glei an des oane denkt.

So war uns do a gar nix z`bled:
Jetz` wersd´ bekehrt, daß Dir des Schnapseln boid vogeht!

Du kriagst vo uns - do pfeifft da Straps -
zum Geburtsdog heid an Medda Schnaps!

So, jetz`stehnan vor Dir 13 Stamperl do.
Do muaßt jetz`durch - fang ma glei o.

Wodka-Feige:
Des 1. Stamperl haut Di ned vom Hocker,
so an kloana Feigling packst Du locker.


Underberg:
Do kriagst an Glust auf`s zwoate glei,
a Underberg für`n Mong laft grod so nei.


Tomatensaft mit Tabasco:
Des 3. Safterl nimmst a glei no mit,
des is wos gsunds - des hoit Di fit.


Doppelkorn:
Doch jetz` werd da Mane gor erst munter,
und schütt` - horuck - des 4. runter.


Doppelherz:
Und glei hintnoche s` 5. gschwind,
des is für Dei Leistung - na pfeifft glei wieda a andrer Wind.


Semmelbrösel:
Des 6. Stamperl dageng a bisserl staubt,
aber dafür wern de ersten 5e aufgesaugt.


Salzwasser:
Zum nocheschwoam kriagst jetz`a Stamperl Wasser,
aber gfrei Di ned, des wird wieda krasser!


Bier:
Do is des 8. Stamperl - schau -
des is extra aus da Holledau!


Apfelessig:
Beim 9. rolln d` Aung scho wuid ummanand,
hoffentlich draiderst ned voi Dei Gwand.

(da musste ihm die Dana helfen)


Contreau:
Dem 10. Stamperl er einfach ned widasteh` ko,
in seinem Wamperl - schauts hi - do schwapperts scho.


Apfelschnaps:
Beim 11. Stamperl is jetz` scho nimma schee,
denn da Mane siehgt uns jetzt scho zu viert do steh`.


Melissengeist:
Jetz`kriagst wos für Dein schlechten Mong,
daß`d des letzte ano duasd vatrong.


Obstler:
So, des war jetz` allerhand,
beim letzten Stamperl trink ma mitanand:

Auf unsern Mane werd jetz`des Glasl ghebt,
daß er den Meter Schnaps hod überlebt.

PROST!!